|
သာဓုကန်သို့ Field ဆင်းခြင်း
ဘူမိဗေဒဘာသာဝင်ခွင့်ရကြောင်းအကြောင်းကြားစာရတော့စိတ်ထဲမှာဘူမိဗေဒဘာသာတက်ခွင့်ရပြီလို့စိတ်ထဲမှာမှတ်ယူခဲ့မိပါသည်။
သို့သော်မန္တလေးဆောင်ကိုရောက်တော့အဖွဲ့လိုက်ကျန်းမာရေးအတွက်ဆေးစစ်ခံရန်ကြော်ငြာကပ်ထားတာတွေ့ရပါသည်။
ဘာတွေစစ်ဆေးလဲကျနော်မသိပါ၊မေးမြန်းကြည့်တော့အဓိကစစ်မှာက
color blind test ခေါ်တိတိကျကျအရောင်ခွဲခြားခြင်းကို စစ်ပါမည်။
ဤဆေးစစ်မအောင်ပါကဘူမိဗေဒဘာသာတက်ခွင့်မရတော့ပါ။ဘာလဲ…… color blind test တစ်ခါမှမကြားဘူးပါ။
စီနီယာအစ်ကိုများကိုမေးကြည့်တော့ပြသထားသောအရောင်များကိုခွဲခြားတတ်ရင်ရပြီလို့ပြောကြတယ်။
တစ်ခါမှအတွေ့အကြုံမရှိသောကြောင့်စိတ်ထဲမှာနဲနဲပူနေပါသည်။ဆရာတွေကဘာအရောင်တွေပြမှာလဲ…….
ကျနော်မခေါ်တတ်သောအရောင်ကိုပြရင်ဒုက္ခဘဲလို့တွေးနေမိပါသည်။ဥပမာအားဖြင့်..ပိတောက်ခြောက်ရောင်တို့၊
ပန်းခရမ်းပြာရောင်တို့၊ကဗျာဆန်ဆန်အရောင်တွေလျှောက်မေးနေရင်ကျနော်မပြောတတ်ပါ။
၎င်းကျန်းမာရေးစစ်ဆေးခြင်းသည်မိုင်၂၀လမ်းမလျှောက်ခင်အရင်စစ်ပါသည်။ဆေးစစ်မအောင်သူများမိုင် ၂၀ လမ်းလျှောက်
စရာမလိုတော့ပါ။သွားတော့..အခြားမေဂျာ…အရောင်ခြယ်ထားသောမြေပုံကိုပြသထားပါသည်။
ဆရာကအ၀ါရောင်ချယ်ထားနေရာတွေကိုပြခိုင်းပါသည်။နောက်အစိမ်း၊အနီ၊အပြာချယ်ထားသောနေရာတွေကိုထောက်ပြခိုင်းပါသည်
နောက်ထပ်မြေပုံကိုထပ်ပြပြန်ပါသည်။အရောင်တွေရောထွေးနေပါသည်။ရောထွေးနေသောအရောင်တွေထဲကဆရာလိုချင်သောအရောင်ကို
ထောက်ပြခိုင်းပါသည်။အရောင်တွေကိုကျနော်ခွဲခြားနိုင်ခဲ့ပါသည်။
ပြီးနောက်ဆရာဝန်များကကျနော်ကိုအူကျဘူးခြင်းရှိမရှိမေးပြီးစစ်ဆေးပါသည်။ကျနော်တစ်ခါမှမဖြစ်ဘူးပါ။ဤကျန်းမာရေးစစ်ဆေးချက်ကို
ကျနော်လွယ်လွယ်ကူကူအောင်ခဲ့ပါသည်။ကျနော်ဒဂုံဆောင်ပြန်ရောက်တော့ကျနော့်အခန်းဘေးကပဲခူးသားတစ်ယောက်ဆေးကျပါသည်။
စုစုပေါင်းရှစ်ယောက်လောက်ဆေးကျပါသည်။ကျနော်တော်တော်အံ့သြမိပါသည်။သူတို့ကိုကျနော်မေးကြည့်ပါသည်။
အရောင်တွေကိုမှန်အောင်မခွဲခြား
နိုင်ခဲ့ပါ။
သူတို့ကိုယ်တိုင်လည်းအံ့သြနေပုံရပါသည်။သူငယ်စဉ်ကတည်းကထင်နေသော
အရောင်များသည်ယခုမှမှားမှန်းသိပါပြီတဲ့….အစိမ်းရောင်ကိုအပြာမြင်နေသည်။အနီကိုအ၀ါလို့မြင်နေသည်။
ထူးဆန်းလေစွ
color blind ဆိုတာ ဒါကိုခေါ်တာကိုး….
ဧပြီကျောင်းပိတ်ရက်များတွင်စီနီယာကျောင်းသားများကွင်းဆင်းရပါသည်။ကျနော်တို့ကနွေကျောင်းပိတ်ရက်အိမ်ပြန်ကြမည်။
စီနီယာကျောင်းသားများကကျောင်းမပိတ်ခင်စော၍ကွင်းဆင်းသောကြောင့်ဒဂုံဆောင်မှာသူတို့ကိုဝိုင်းကူညီပေးရပါသည်။
ကျနော်တို့သည်အစ်ကိုများကွင်းဆင်းရန်ပြင်ဆင်နေတာကိုကြည့်ပြီးအရမ်းအားကျမိပါသည်။ကျနော်တို့အားလုံးအရမ်းကွင်းဆင်းချင်စိတ်
ပြင်းပြနေကြပါသည်။
နွေကျောင်းပိတ်ရက်ကုန်လွန်ပြီးကျောင်းတွေပြန်ဖွင့်ချိန်ရောက်လို့လာပါပြီ..ကျောင်းတွေပြန်ဖွင့်ပြီးသိပ်မကြာခင်မှာကျနော်တို့
တတိယနှစ်အတွက်အကြိုကွင်းဆင်းလေ့လာခြင်းဘာသာအတွက်လက်တွေ့ပြသပါမည်။တနင်္ဂနွေတစ်ရက်မှာလှော်ကားသာဓုကန်မှာ
ကွင်းဆင်းကြပါမည်။ကျနော်တို့အားလုံးပျော်နေကြပါသည်။အရမ်းလည်းတက်ကြွနေကြပါသည်။သာဓုကန်အနီးအနားရှိပေါ်ထွက်ပိုင်းများကို
သွားရောက်လေ့လာကြရမည်။စာသင်နှစ်ပထမပိုင်းကုန်ခဲ့ပြီဖြစ်သောကြောင့်အပေါင်းအသင်းများလည်းတော်တော်ရလာပြီ.
ရန်ကုန်မှာနေသောဝက်ကိုယ်လုံးနှင့်ပုလင်းကွဲဖင်မျက်မှန်ကိုတပ်ထားသောတရုတ်လေးကိုဖက်တီးလို့ခေါ်ကြပါသည်။
သူနှင့်ကျနော်ကခုံနံပတ်ရှေ့ဆင့်နောက်ဆင့်…ပြီးတော့ချက်ကြီး ၊ဗျော့ကြီး၊မွန်ကြီးဒီကောင်တွေကဧရာဝတီတိုင်းသားတွေ
ကျနော်တို့ကျောင်း တက် သောနှစ်တွေမှာဧရာဝတီတိုင်းကသူငယ်ချင်းတွေများကြပါသည်။
သူတို့တွေကဒုတိယနှစ်မှာပုသိမ်ဒေသကောလိပ်မှာမရှိသောရေလုပ်ငန်းကိုယူပြီးရန်ကုန် RC 2 မှာလာတက်ကြပါသည်။
ပြီးတော့RASUထဲမှာရိုးရိုးမေဂျာတွေဆီရောက်ကုန်ကြပါသည်။ဘူမိဗေဒမှသူငယ်ချင်းတွေမှတစ်ဆင့်ဧရာဝတီတိုင်းသားသူငယ်ချင်းတွေ
တော်တော်များများရလာပါသည်။
သူတို့တွေပုသိမ်ဒေသကောလိပ်မှာကတည်းကတစ်ယောက်ကိုတစ်ယောက်နာမည်ပြောင်တွေခေါ်နေကြပါသည်။ဘာအဓိပ္ပါယ်တွေလည်း
ကျနော်မသိပါ။သူတို့ကချက်ကြီးဆိုတော့လည်းကျနော်တို့လည်းချက်ကြီး၊
ဗျော့ကြီးဆိုတော့လည်းဗျော့ကြီးခေါ်လိုက်တာဘဲ..
သူတို့ဇာတ်လမ်းနှင့်သူတို့ရှိကြမှာပါ…….
မနက်
7း00 မှာမန္တလေးဆောင်မှနံပတ် ၉ ကားခေါ်ဟီးနိုးကားများနှင့်ကျောင်းသားများကိုသာဓုကန်သို့ပို့ပေးပါသည်။
ဘူမိဗေဒဌာနမှစီစဉ်ပေးပါသည်။ဆရာကြီးဦးဘသန်းဟက်အပါအ၀င်ဆရာအားလုံးလိုက်ခဲ့ကြပါသည်။သာဓုကန်ရောက်တော့ကျောင်းသား
15 ယောက်ကိုဆရာတစ်ယောက်စီဦးစီးပြီးပေါ်ထွက်ပိုင်းများကိုလိုက်လံရှင်းပြပေးပါမည်။နေရာများကိုအုပ်စုလိုက်အလှည့်ကျ
လေ့လာရမည်။
ကျနော်တို့အုပ်စုကိုဆရာမဒေါ်ခင်ဝင်းကြည်ကဦးဆောင်ပြီးလိုက်လံရှင်းပြပါမည်။ဆရာမသဘောကောင်းသည့်အပြင်စာသင်ရင်း
ရီစရာလည်းပြောတတ်သောကြောင့်ကျနော်တို့အုပ်စုနှင့်အဆင်ပြေပါသည်။
ဟ…ချက်ကြီးနှင့်ဗျော့ကြီး……
အိုး….မွန်ကြီးနှင့် ဖက်တီး…..
ကျနော်တို့လေ့လာရင်းသူတို့နာမည်များကိုသီချင်းလုပ်ပြီးဆိုိနေကြပါသည်။အာနိုးကဦးရွှေရိုးလိုကပြနေပါသည်။
လေ့လာစရာနေရာတစ်ခုရောက်ရင်ဆရာမရှင်းပြတာကိုနားထောင်လိုက်၊နောက်တစ်နေရာအသွားလမ်းမှာအာနိုး၏မြေလျှောက်အက၊ကို
သွားရင်းနှင်ကြည့်လိုက်အဆင်ကိုပြေနေပါတယ်။
Fossil
ဆိုတာသိကြလား…..သိပါတယ်ဆရာမကျောက်ဖြစ်ရုပြ်ကွင်းကိုခေါ်တာ…..မင်းတို့မြင်ဘူးကြလား…….
မြင်ဘူးပါတယ်ဆရာမ……ငါ့တပည့်တွေတယ်တော်ကြပါလား…..ဘယ်နေရာမှာမြင်ဘူးးခဲ့လဲ….Lab:
ထဲမှာပါ…….
သေတော့မှာဘဲ….အပြင်မှာမြင်ဘူးကြလားငါမေးနေတာ….မမြင်ဘူးပါဘူး……ဒီမှာကြည့်
….ဒါ Fossil ဘဲ…..
ဆရာမကကျောက်တုံးအကြီးကြီးတစ်ခုတွင်အမှတ်အသားပြသထားသောနေရာကိုတုတ်ချောင်းနှင့်ထောက်ပြပါသည်။
ဖက်တီးကမျက်စိမှုန်သောကြောင့်အနီးကပ်သွားကြည့်နေရပါသည်။ငုံ့ပြီးကြည့်ရသောကြောင့်
ဖက်တီးဖင်ထောင်ပြီးကြည့်နေပါသည်။ဖက်တီးဖင်ထောင်နေတာကိုမြင်ပြီးအားလုံးဝိုင်းရီကြပါသည်။
ရီသံကြားသောကြောင့်ဖက်တီးစိတ်မလုံတော့ဘဲကဗျာကရာလက်နှစ်ဖက်နှင့်
ဖင်ကိုပိတ်ပြီး…မင်းတို့ဘာရီတာလဲမင်းဖင်ထောင်တာအရမ်းကြည့်ကောင်းလို့ပါ..
ဖက်တီးစိတ်မလုံသူ့ဘောင်းဘီနောက်ကိုလှည့်ကြည့်နေပါသည်။
သူ့ဘောင်းဘီဖင်ကွဲနေပြီလို့သူထင်နေသည်
ဟဲ့…ဖက်တီး….နင့်ဘောင်းဘီမကွဲဘူး…နင်ကြည့်ပြီးရင်ဖယ်ပေးလိုက်၊တစ်ယောက်စီဝင်ကြည့်ကြ……
ဆရာမက
Fossil ကိုကြည့်စေပါသည်။ဆရာမ Fossil ကပိုးဟပ်လိုဘဲ……
မဟုတ်ပါဘူးနွားချေးပိုးနှင့်တူတာပါ……ဘယ်ကလာ
ပုရစ်နှင့်တူတာပါ……..
ကျနော်တို့Fossilကိုကြည့်ပြီးတစ်ယောက်တစ်ပေါက်ဝေဖန်ချက်ပေးနေကြပါသည်။
ကဲကဲနေသိပ်မပူခင်ရှေ့တစ်နေရာသွားကြရအောင်..
အဲဒါပြီးရင်ငါတို့ထမင်းစားကြရအောင်.
ဆရာမပြောပါသည်။ကျနော်တို့လေးယောက်ကအားလုံးထမင်းစားရန်အစားအသောက်အတွက်စီစဉ်ပေးနေသော
ကိုကြီးကစ္စနားဆီမှာထမင်းထုတ်တွေသွားယူကြပါသည်။
တစ်ယောက်ကိုကြက်သားဒန်ပေါက်တစ်ထုပ်ဖျော်ရည်တစ်ပုလင်းနှုန်းပေးပါသည်။
ဆရာမအပါအ၀င် 16ယောက်စာကျနော်တို့ကိုပေးပါသည်။ပေါ်ထွက်ပိုင်းတစ်နေရာကိုကြည့်ပြီး
ထမင်းစားကြရန်ပြင်ဆင်ကြပါသည်။ဆရာမဒေါ်ခင်ဝင်းကြည်လည်း
ကျနော်တို့ကျောင်းသားများနှင့်အတူစုပြီးထမင်းစားမည်။
ဆရာမ Field
အတွေ့အကြုံကျနော်တို့ကိုပြောပြပါ…..ကျနော်တို့ Field ဆင်းတဲ့အရသာကိုအရမ်းကြားချင်ပါတယ်။
အေး…အေး…ထမင်းစားရင်းနှင့်ဆရာမပြောပြပါ့မယ်…..အားလုံးပျော်သွားကြပါသည်။
ဆရာမဆီကအတွေ့အကြုံများကိုအရမ်းနားထောင်ချင်နေပါသည်။အားလုံးfieldတစ်ခါမှမဆင်းဘူးကြသေးသောကျောင်းသားများ
ဖြစ်သောကြောင့်ဖြစ်ပါသည်။နောက်ပြီးကျနော်တို့အားလုံးသီတင်းကျွတ်ကွင်းဆင်းရန်အရမ်းစိတ်အားထက်သန်နေကြပါသည်။
နောက်ဆုံးနှစ်ကျောင်းသားများကဧပြီကျောင်းပိတ်ရက်မှာကွင်းဆင်းလေ့ရှိသလိုတတိယနှစ်ကျောင်းသားများက
သီတင်းကျွတ်ကျောင်းပိတ်ရက်မှာ Field
ဆင်းလေ့ရှိပါသည်။
ထမင်းတစ်လုပ်နှစ်လုပ်ဘဲဝါးရသေးသည်။ကိုကြီးကစ္စနားကဆရာမကိုပါမောက္ခနှင့်ဆရာများအားလုံးထမင်းစုစားကြရန်ခေါ်သောကြောင့်
လိုက်သွားရပါသည်။ကျနော်တို့အုပ်စုလည်းငေါင်တောင်တောင်နှင့်ကျန်ရစ်ခဲ့ကြပါသည်။စိတ်ထဲမှာဆရာမအတွေ့အကြုံများကို
အားရပါးရနားထောင်ကြရန်စိတ်ကူးထားကြပါသည်။အခုဆရာမလည်းမရှိတော့အားလုံးပျင်းရိစွာထမင်းဆက်စားကြပါသည်။
မိုးရွာရင်…မိုးရေချိုးမယ်….မေမေလာရင်နို့စို့မယ်…..
ဖေဖေလာရင်…အုန်းသီးခွဲစားမယ်……
ဟာ…ဘယ်ကကက်ဆက်ဖွင့်နေလဲလို့ပတ်ဝန်းကျင်ကိုကြည့်လိုက်တော့Botanyကျောင်းသားကျောင်းသူတွေပျော်ပွဲစားထွက်လာကြပါသည်။
သူတို့တွေပါဆယ်ဂိမ်းဆော့နေကြပါသည်။
ဟေ့…ချက်ကြီး…ဟိုမှာကြူကြူ….ဗျော့ကြီးကလှမ်းပြနေပါသည်။ဟုတ်တယ်ကြူကြူတို့အဖွဲ့ကွ..
ချက်ကြီးတော့ထီပေါက်ပြီကွ…ချက်ကြီးကံကတော့ရှယ်ဘဲ……တမင်ဖန်တီးရင်တောင်ဒီလိုတိုက်ဆိုင်မှာမဟုတ်ဘူး……
ချက်ကြီးကြူကြူကိုမြင်တော့အတော်လေးပျော်သွားတဲ့ပုံဘဲ…..ခုနကပျင်းရိနေသောထမင်းဝိုင်းလေးပြန်စိုပြေလာပြီ……
စားပြီးရင်မင်းသွားရောကွာ….မွန်ကြီးကချက်ကြီးကိုတွန်းနေသည်။အေးပါ….ငါသွားမယ်…..
ချက်ကြီးနေအုံး…နေအုံး…..ဟိုမှာတစ်တောင့်ထွာအေးကြိုင်…..ပါဆယ်ဂိမ်းမဲကျသဖြင့်တစ်တောင့်ထွာကောင်မလေးတွေကို
မျောက်က ကပြနေရပါသည်။
ကြူကြူကလည်းရီပြီးလက်ခုပ်တီးနေသည်။တစ်တောင့်ထွာမျက်နှာကိုလည်းမြင်ရောချက်ကြီးမျက်နှာမဲကနဲဖြစ်သွားရပါသည်။
ခွေးမသားတစ်တောာင့်ထွာ ဘယ်ကပေါ်လာရတာလဲ…ချက်ကြီးမကျေမနပ်နှင့်ရေရွှတ်နေပါသည်။
ရုပ်ရှင်သရုပ်ဆောင်ကြူကြူသင်းဆိုက်လောက်မကြီးသေးသော်လည်းမကြာခင်မှာဆိုက်တူလာနိုင်သောကြူကြူကိုတစ်တောင့်ထွာနှင့်
ချက်ကြီးပုသိမ်ဒေသကောလိပ်မှာကတည်းကလိုက်နေကြသည်။ဒုတိယနှစ်မှာချက်ကြီးနှင့်တစ်တောင့်ထွာရေလုပ်ငန်းကို
ပြောင်းယူသောကြောင့်ရန်ကုန်ကိုရောက်လာပါသည်။ကြူကြူကတတိယနှစ်မှာရန်ကုန်တက္ကသိုလ်သို့ပြောင်းခဲ့ပါသည်။
ကြူကြူနှင့်တစ်တောင့်ထွာတို့ကရုက္ခဗေဒမှာအတူတူ၊
ချက်ကြီးကဘူမိဗေဒကိုရောက်နေသည်။သူတို့တွေရဲ့ဇာတ်လမ်းကိုမွန်ကြီးဗျော့ကြီးတို့မှတစ်ဆင့်ကျနော်တို့အားလုံးသိနေပါသည်။
နှစ်ယောက်လုံးထောင်ထောင်မောင်းမောင်းအရပ်တွေနှင့်၊ချက်ကြီးနှင့်ကြူကြူအတွဲဖြစ်ခဲ့ရင်တော်တော်လိုက်ဖက်ပါမည်။
အရပ်မြင့်မြင့်ကိုယ်လုံးကြီးကြီးကြူကြူနှင့်ပုပုသေးသေးအေးကြိုင်တို့နှစ်ယောက်ဘယ်လိုမှမလိုက်ဖက်ပါ။
စဥ့်အိုးမှာဖားပျံကပ်နေသလိုဖြစ်နေမည့်သူတို့အတွဲကိုကျနော်လည်းကြည့်မရပါ။
ဒါပေမယ့်တစ်တောင့်ထွာကဇွဲကောင်းသည်။ယခုအထိဆက်လိုက်နေဆဲဆက်ကျိုးစားနေဆဲဘာဘဲဖြစ်ဖြစ်
ဇွဲဆုကိုတော့မျော်လင့်နေပုံရပါသည်။
အရပ်မြင့်မြင့်ဘော်ဒီကောင်းသောချက်ကြီးကမဲတော့သာပါ၏၊ဒါပေမယ့်ဒီကောင်ကတစ်မျိုး..ကြိုက်သလားမေးတော့လည်းကြိုက်တယ်တဲ့..
ကြိုက်ရင်လိုက်ပါလားဆိုတော့လည်းတစ်ပတ်တစ်ခေါက်ဘဲကြူကြူဆီသွားသည်။တခါတစ်လေ10ရက်တစ်ခါဘဲရောက်သည်။
ရောက်တော့လည်းဘာမှမပြောခဲ့……တစ်ကယ်တန်းဆိုရင်ကြူကြူကလည်းချက်ကြီးကိုသဘောကျနေပါသည်။
သို့သော်ချက်ကြီးပါးစပ်မှချစ်ပါတယ်ဆိုသောစကားမထွက်လာသောကြောင့်သူ့မှာလည်းမိန်းကလေးကစရမှာလားရှင်လိုဖြစ်နေပြီ…
မျှော်နေသော်လည်းမပေါ်လာသောချက်ကြီးကိုကြူကြူစိတ်ပျက်စပြုနေပြီ……ဒီနေ့ပျော်ပွဲစားထွက်လာတာကျနော့်အမြင်မှာ
ကြူကြူတစ်ယောက်တစ်တောင့်ထွာကိုဘဲအခွင့်အရေးပေးလိုက်မည့်ပုံပါဘဲတိုက်တိုက်ဆိုင်ဆိုင်ကျနော်တို့အုပ်စုနှင့်မှလာတိုးနေသည်။
ဒီနေ့ပျော်ပွဲစားမှာတော့တစ်တောင့်ထွာအေးကြိုင်ရဲ့တပင်တိုင်မင်းသားကြီးပွဲပါဘဲသောက်ရှက်တစ်ပြားမှမရှိဘဲကြူကြူပျော်ရွှင်နေရင်ပြီးရော
ပျော်တော်ဆက်နေပါသည်။မျောက်ကကပြလိုက်၊ဂျွမ်းထိုးပြလိုက်၊ကိုင်ဇာသီချင်းဆိုပြလိုက်၊ချက်ကြီးကိုမြင်သွားတဲ့အခိုက်မှာကြူကြူပို၍
အရွဲ့တိုက်နေသည်ဟုထင်ရပါသည်။အေးကြိုင်ကိုလည်းပို၍အခွင့်အရေးပေးနေသည်။ချက်ကြီးအရှေ့မှာဆိုတော့အေးကြိုင်ကကြူကြူကို
ပို၍ယုယပြနေပါသည်။
ကျနော်တို့တစ်အုပ်လုံးသူတို့ပါဆယ်ဂိမ်းကစားတာကိုငေးကြည့်နေမိပါသည်။ချက်ကြီးကိုယ်တိုင်တစ်ထောင့်ထွာဟာသလုပ်ပြနေတာကို
တဟီးဟီးနှင့်ရီနေသည်။ဘုန်း…..ကနဲ ကျောကုန်းကိုထုရိုက်သံမရှေးမနှောင်းမှာဘဲချက်ကြီးပါးစပ်မှ
အောင်မလေးဗျ..အသံထွက်လာပါသည်။
ဟေ့ကောင်အာနိုး….ဘာလို့ငါ့ကျောကုန်းကိုလာထုရတာလဲ….ငါထထိုးမိတော့မယ်……လာလေ…ထိုးလေ….
Come on…
အာနိုးချက်ကြီးကျောကုန်းကိုထုပြီုးစိန်ခေါ်နေပြီ.လာလေမင်းလိုသတ္တိမရှိတဲ့ကောင်ကိုငါကြောက်နေမယ်လို့ထင်လား..
ချစ်တဲ့အကြောင်းကိုမပြောရဲတဲ့ ဂန်ဒူး……လာစမ်းပါ…မင်းမို့လို့မျက်စိရှေ့မှာဖြစ်ပျက်နေတာတွေကိုကြည့်နေရက်တယ်မင်းအချစ်ကဒါဘဲလား..
အာနိုးတစ်တောင့်ထွာကိုကြည့်ြုပီးမခံရပ်ဖြစ်ကာချက်ကြီးကိုချဲလင့်ခေါ်နေပြီ
နှစ်ကောင်သားခေါင်းချင်းဆိုင်ပြီးထိုးပွဲဖြစ်တော့မှာမို့ဖျန်ဖြေရန်အားလုံးထရပ်လိုက်ကြပါသည်။
သို့သော်အာနိုးပါးစပ်မှထွက်လာသောစကားသံကြောင့်ကျနော်တို့အားလုံးချက်ကြီးမျက်နှာကို
ကြည့်ပြီးပြန်ထိုင်ချလိုက်ကြပါသည်။အာနိုး၏သူငယ်ချင်းအပေါ်ထားသောစေတနာကိုအားလုံးနားလည်မိပါသည်။
ချက်ကြီးကိုယ်တိုင်လည်းခေါင်းငိုက်စိုက်ချပြီးဒူးထောက်ထိုင်ချလိုက်ပါသည်။
ကျနော်တို့သူငယ်ချင်းအားလုံးပေမမှီဒေါက်မမှီတစ်တောင့်ထွာအေးကြိုင်ကိုကြည့်၍မရသလို
ချက်ကြီးကိုလည်းအားမရပါ။အားလုံးကချက်ကြီးနှင့်ကြူကြူအဆင်ပြေနေတာကိုတော့မြင်ချင်နေပါသည်။
ကျနော်တို့တစ်ဖွဲ့လုံးတိတ်တိတ်ဆိတ်ဆိတ်အတွေးကိုယ်စီနှင့်……ဟဲ့….တိတ်ဆိတ်လှချည်လား…..
ဆရာမမရှိလို့ထင်တယ်…Sorryဆရာမကတိဖျက်သလိုဖြစ်သွားတယ်.}
ဒါပေမဲ့ရှေ့မှာကြည့်စရာတွေကြည့်ရင်းနှင့်ဆရာမFieldအတွေ့အကြုံတွေကိုပြောပြပါ့မယ်..
ဆရာမခေါ်ဆောင်ရာနောက်သို့လိုက်သွားရန်အားလုံးမတ်တတ်ထရပ်လိုက်ကြပါသည်။
ကိုဂျစ် တာ့တာ….မွန်ကြီးတာ့တာ..ဗျော့ကြီး၊ဖက်တီး..
တာ့တာ…..ကျနော်တို့မတ်တပ်ရပ်တော့
တစ်တောင့်ထွာအေးကြိုင်
တစ်ယောက်ချင်းကို လာဖားတာလား….လာနှုတ်ဆက်တာလား….လာကြွားတာလားမသိပါ……..
အော်….မေ့နေလို့..သူငယ်ချင်းချက်ကြီးသတိထားသွား….
စိတ်နဲနဲထိန်း….သာဓုကန်ရေနက်တယ်……
ကြည့်စမ်း..ခွေးမသားပြောတဲ့စကား..ထရိုက်ချင်စရာမကောင်းဘူးလား…မအေပေး….တစ်တောင့်ထွာဆိုပြီးတော့
အာနိုးတစ်ယောက်ညစ်ညစ်ပတ်ပတ်တွေဆဲပါလေတော့သည်။
ကျယ်ကျယ်လဲမဆဲရဲ.ဆရာမကြားသွားမှာစိုးလို့..ကျနော်တို့ကအေးကြိုင်ကိုလှည့်မကြည့်ဘဲဆရာမနောက်ကိုလိုက်သွားပါသည်။
မနက်ပိုင်းတက်ကြွခဲ့သလောက်ညနေဘက်မှာဆန့်ကျင်ဘက်ချက်ကြီး၊အာနိုး၊တစ်တောင့်ထွာကိုကြည့်ပြီးကျနော်တို့မပျော်ရွင်တော့ပါ။
ဆရာမပြောပြမယ့် Field အတွေ့အကြုံတွေကိုလည်းအာရုံခံစား၍မရတော့ပါ။
ညနေလေးနာရီလောက်မှာတော့ကျနော်တို့သာဓုကန်မှမန္တလေးဆောင်သို့ထွက်ခွာလာခဲ့ကြပါသည်။တစ်နေ့လုံး
လမ်းလျှောက်လို့ပင်ပန်းတာရယ်၊ဒန်ပေါက်ထမင်းကအဆီရစ်နေတာရယ်ကျောင်းသားတော်တော်များများကားပေါ်မှာ
အိပ်ငိုက်လာခဲ့ကြပါသည်။ကျနော်နှင့်အာနိုးအတူယှဉ်ထိုင်ပြီးလမ်းဘေးရှုခင်းများကိုကြည့်ရင်းလိုက်လာခဲ့ကြပါသည်။
စကားတော့မပြောဖြစ်ကြပါ။ကိုယ့်အတွေးနှင့်ကိုယ်..ကျနော်တို့ကားကြီးသည်
မင်္ဂလာဒုံတိုင်းခန်းမကြီးကိုကျော်လွန်လာပါပြီ……ထိုစဉ်နောက်မှဒိုင်နာကားတစ်စီးက
တပွမ်ပွမ်နှင့်ဟွန်းတီးရင်းကျနော်တို့ကားကိုကျော်တက်သွားပါသည်။ထိုကျော်တက်သွားသောဒိုင်နာကားကို
ကြည့်မိရာနောက်ဆုံးဘေးတိုက်အတန်းမှာကြူကြူနှင့်အေးကြိုင်အတူတူထိုင်နေကြပါသည်။
Botany ကျောင်းသားကျောင်းသူများကိုအပြန်လိုက်ပို့နေသောကားဖြစ်ပါသည်။
ကျနော်နှင့်အာနိုးကိုမြင်တော့အေးကြိုင်ကားထဲကကိုယ်တစ်ပိုင်းထုတ်ပြီးတာ့တာလုပ်ပြပါသည်။ကျနော်နှင့်အာနိုးသည်
တိုင်ပင်ထားသကဲ့သို့ကားပြူတင်းပေါက်မှခေါင်းထုတ်ပြီးပါးစပ်မှလည်းတပြိုင်တည်းအော်ဆဲပါလေတော့သည်။
ခွေးမသား…တစ်တောာင့်ထွာ…….
လမစေ့ဘဲမွေးတဲ့မျောက်..ခွေးပစ်တဲ့ဒုတ်..
အေးကြိုင်ကြားအောင်ကျနော်နှင့်အာနိုးအားရပါးရဆဲကြပါသည်။အားရပါးရတစ်တောင့်ထွာကိုဆဲလိုက်ရလို့ရင်ထဲမှာတော်တော်
ကျေနပ်သွားပါသည်။ကားနောက်ဖက်ကိုလှည့်ကြည့်လိုက်တော့ချက်ကြီးတစ်ယောက်မွန်ကြီးကိုဖက်ပြီးအိပ်ပျော်နေပါသည်။
ခုနကသူ့အတွက်အော်ဆဲလိုက်ရတာကိုလည်းသူဘာမှမသိရှာပါ။သူ့အတွက်သူငယ်ချင်းအားလုံးရင်ခံနေရတာကိုလည်း
လစ်လျူရှုထားရက်သည်။နှေးတုံ့တုံ့နှင့်မောင်းနေသောကားအိုကြီးကိုလက်သွက်ခြေသွက်ဒိုင်နာကားကျော်တက်သွား
တာတစ်ကယ်တော့မထူးဆန်းပါ။ချက်ကြီးကိုကြည့်ပြီးကျနော်တစ်ခုစဉ်းစားမိပါသည်။
ကျနော်တို့ဘူမိဗေဒကျောင်းသားအများစုသည်အချင်းချင်း
ညီညွတ်ကြပါသည်။ချက်ကြီးနေရာမှာအခြားမေဂျာမှတစ်ယောက်ဖြစ်ပြီးအေးကြိုင်နေရာမှာချက်ကြီးသာဖြစ်ခဲ့လျှင်
ကျနော်တို့အုပ်စုဘယ်လောက်များဟားတိုက်ရီကြမလဲ…လက်နှေးနေတဲ့ကောင်ကကျနော်တို့ရဲ့သူငယ်ချင်း
အရင်းခေါက်ခေါက်ဖြစ်နေတော့ကျနော်တို့တစ်အုပ်လုံးမထွေးနိုင်မအန်နိုင်..
ရင်ခံနေကြရပါသည်။
လောကကြီးမှာကိုယ်နှံခဲ့သောအလှည့်တွေရှိသလိုကိုယ်ခံရမည့်အလှည့်တွေလည်းကျန်နေပါသေးသည်။
ကဲ…၀ဋ်ရှိသ၍ခံလိုက်ကြအုံးပေါ့
….
|
